លោក នាយឧត្តមសេនីយ៍ ទៀ បាញ់(រូបឆ្វេង) រដ្ឋមន្ត្រីក្រសួងការពារជាតិ បំពាក់ ឋានន្តរស័ក្តិថ្នាក់ ឧត្តមសេនីយ៍ទោ ផ្កាយពីរដល់លោក ហមុន ម៉ាណែតនៅថ្ងៃទី៣មករា ២០១១ នៅទីស្តីការក្រសួងការពារជាតិ
លោក ហ៊ុន ម៉ាណែត កូនប្រុសច្បង របស់លោកនាយករដ្ឋមន្ត្រី ហ៊ុន សែន ដំឡើងឋានន្តរស័ក្តិថ្នាក់ ឧត្តមសេនីយ៍ទោ ផ្កាយពីរ។ ជាមួយនឹងព្រះរាជក្រឹត្យដំឡើងឋានន្តរស័ក្តិនេះ កូនប្រុសច្បងរបស់លោកនាយករដ្ឋមន្ត្រី ហ៊ុន សែន ក៏ត្រូវបានតែងតាំងមុខងារ ជាមេបញ្ជាការរង នៃបញ្ជាការដ្ឋានកងទ័ពជើងគោក បន្ថែមលើមុខងារបច្ចុប្បន្នក្នុងកងយោធាកម្ពុជា។ លោកឧត្តមសេនីយ៍ទោ ហ៊ុន ម៉ាណែត បានបញ្ចប់ការសិក្សាផ្នែកយោធា មកពីសាលាបណ្ឌិតសភាយោធារបស់សហរដ្ឋអាមេរិក West Point រួមទាំងសញ្ញាប័ត្រជាច្រើនទៀត។
ពិធីបំពាក់ឋានន្តរសក្តិ និងការប្រកាសតែងតាំងមុខងារ ដល់លោកឧត្តមសេនីយ៍ត្រី ហ៊ុន ម៉ាណែត ត្រូវបានធ្វើឡើងនៅព្រឹកថ្ងៃទី៣ ខែមករា ឆ្នាំ២០១១ នៅទីស្តីការក្រសួងការពារជាតិ។ លោកនាយឧត្តមសេនីយ៍ ទៀ បាញ់ រដ្ឋមន្ត្រីក្រសួងការពារជាតិ បានបំពាក់ឋានន្តរស័ក្តិ ថ្នាក់ ឧត្តមសេនីយ៍ទោ ផ្កាយពីរ ដល់កូនប្រុសរបស់នាយករដ្ឋមន្ត្រី នៅព្រឹកមិញ។
លោកឧត្តមសេនីយ៍ទោ ហ៊ុន ម៉ាណែត បច្ចុប្បន្ន មានតួនាទីជាអគ្គមេបញ្ជាការរងកងអង្គរក្ស និងជាប្រធាននាយកដ្ឋានពិសេស ព្រមទាំងជាមេបញ្ជាការ នៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម។ កាលពីខែមករា ឆ្នាំមុន លោក ហ៊ុន ម៉ាណែត ត្រូវបានដំឡើងឋានន្តរស័ក្តិ ពីវរសេនីយ៍ឯក ស័ក្តិ ៥ ទៅជាឧត្តមសេនីយ៍ត្រី ផ្កាយមួយ។
សូមរម្លឹកថា កូនប្រុសច្បងរបស់លោកនាយករដ្ឋមន្ត្រី ហ៊ុន សែន ទទួលបានសញ្ញាប័ត្រផ្នែកយោធា មកពីសាលាបណ្ឌិតសភាយោធារបស់សហរដ្ឋអាមេរិក West Point រួមទាំងសញ្ញាប័ត្រជាច្រើនទៀត។
ក្នុងពិធីនៅព្រឹកមិញ លោកនាយឧត្តមសេនីយ៍ ទៀ បាញ់ រដ្ឋមន្ត្រីក្រសួងការពារជាតិ បានលើកឡើងថា ការដំឡើងឋានន្តរស័ក្តិ ដល់កូនប្រុសច្បងរបស់លោកនាយករដ្ឋមន្ត្រី មានលក្ខណៈពិសេសខុសគេ និងមានការពិបាកជាងគេ ព្រោះជាគោលការណ៍ មានការសូមដំឡើងស័ក្តិយូរហើយ តែលោកនាយករដ្ឋមន្ត្រី មិនយល់ព្រម ហើយសាមីខ្លួន ក៏មិនព្រមទទួលយក៕
Source: rfi
0 comments:
Post a Comment